أخي سوبر ...

السلام عليكم ورحمة الله

أخي سوبر كيف أصبح السوق السعودي بعد 10800 والإغلاق فوقها

وماهي توقعاتك للفترة القادمة

ولك الشكر والعرفان

أخوك سلطان

والله اخوي انا مو سوبر سعودي ولا محلل محترف بس قلت ما دام ما فيه حد رد خليني احط اللي عندي لعل وعسى تستفيد ولعل وعسى يكون الشارت حقي صح !!



هذا الشارت سويته قبل شوي يوم الاربعاء بعد اغلاق الفتره الصباحيه ..

تعليقي على الشارت ان الان السوق كسر التريند الهابط لكن لا ادري هل هو كسر بلا عوده ام سوف يرجع ادراجه الى مستويات ال 9000 .

مثل ما تشوف تكون مثلث واعتقد ان المثلث شيء جيد ويحوي بانطلاقه جيده .

اما الخطوط الصفراء فهي تمثل حواجز لو كسرناها ابشر بالخير ..


شخصيا اتوقع ان المؤشر بيصدم في نقطه 12000 وبعدين يبداء يتخمبق

والله اعلم ..

لا تاخذ بكلامي 100% الا لما الاخوان في المنتدى يقولون رسمي صح وكلامي صح ترا اول مره احط شارت في المنتدى خليني اشوف هل عندي سالفه ولا لا .

ارجوا من الاخوان التعقيب على تحليل ... ومنكم نستفيد ..

تحياتي ..

مرحباً بك أخي true

وشكراً لك على اجتهادك وخذ راحتك تدرب علينا

بس ليتك تعطينا توصية فيها نسبتين أقل شئ

طبعاً نسبة فوق

وتحية لك ملأها الطيب

هههههههه والله انا ماني راعي توصيات في الوقت الحالي يعني التوصيات تجيني نادر لكن لو جت نادر ما تخيب ولله الحمد .

لكن عموما انا سيولتي كلها في الاحساء . ادخل فيها الاسبوع الجاي فيه خير كثير ان شاء الله

واكرر مضارب الاحساء مضارب لئيم شوي ويمارس سياسه التطفيش يخليك تبيع سهمك بعد ما يمللك لا يخلي الناس تربح ولا يخلي المضارب يربح وكل شغله مفاجئات وارتفاعات مفاجئه مثل ما حدث اليوم فا يجب عليك الصبر .

والله اعلم.