هذا ما حدث بيني وبين سهم جبل عمر

السلام عليكم و رحمة الله وبركاته

اخواني و اخواتي الاعزاء مشرفين و اعضاء.

اولاً اعذروني على الانقطاع عنكم ولكن لم انساكم لبعض المشاغل العملية و العائلية

حبيت اقول لكم ماحدث بيني و بين سهم جبل عمر.

بحكم اني مكتتب في جبل عمر .

و خلال اول يوم كنت ناوي ابيع و بالفعل حطيت الامر على 25 ريال و مثل ما انتم عارفين و طلع فوق 19.25او 19.5 و الله ناسي الان .

و بعد اغلاق اول يوم توقعت ان السهم راح يخالف التوقعات و هذا ما حدث ثاني يوم نسبه ثالث يوم نسبه قلت خلاص مااتوقع يكمل ولكن خالفني هذي المره رابع يوم نسبه و كمان خامس يوم نسبه قلت في نفسي البيع يوم السبت على النسبة لاني بصراحه قلت خلاص كفاااااااااااايه بلا استهبال .

يوم الخميس كنت مجتمع مع شباب و جبنا طاري جبل عمر اكثر من واحد قالوا لي انهم كبوها في وجهه.

فكان توقعي السبت اخر نسبه او على اكثر تقدير لو استمر السبت على النسبة الاحد مستحيل.

يوم الجمعة في الليل بعد الساعه 12 في الليل دخلت على المحفظة و ادخل امر على 26.5 النسبة.

و الحمدلله بعد توفيق من الله اول ما وصل النسبة نفذ لي .

وصلت الطلبات على النسبة 26.5 اكثر من 6 مليون سهم يوم شفتها كان في بالي صعبه يفك النسبة اليوم ولكن مع سوقنا ما فيه شي اسمه صعب

قفلت الشاشة و رحت للعمل و على نهاية السوق قلت خلني ادخل اشوف وش السالفة و الا جبل عمر مسوي هبوط مظلي بصراحه صدمني كان باقي ربع ريال و يقفل النسبه تحت.

قلت الحمد لله بفضل من الله تصرفت صح و الله يعين اللي تنفذ لهم طلبهم على النسبة فوق.
ولا تتوقعون هذا بسبب تحليل و انما بتوفيق من الله عز وجل


اعذروني اخواني و اخواتي على الاطاله

ولكم خالص الشكر و التقدير

اخوكم
ابو عبدالكريم

__________________

قال تعالى ( ولئن شكرتم لازيدنكم ولئن كفرتم ان عذابي لشديد) صدق الله العظيم
اخوكم في الله
Eng.Caesar
http://www.members.lycos.co.uk/holaco767/eng.gif
http://www.members.lycos.co.uk/holaco767/ksa.gif
والرضا مسك الختام